ქვემო სვანეთის დიდებული ალპური მდელოებით გარშემორტყმულ გარემოცვაში გავიზარდე, სადაც მეფუტკრეობა ადგილობრივების ერთ-ერთი ტრადიციული სფერო იყო. ფუტკრებთან ერთად მუშაობა ბავშვობიდანვე მაოცებდა და როდესაც დავინახე, რომ ეს ხელობა ნელ-ნელა ქრებოდა, რადგან ახალგაზრდა თაობა სწავლისა და მაღალი შემოსავლის მისაღებად სხვაგან მიდიოდა, მიზნად დავისახე მისი შენარჩუნება და მომავალი თაობებისთვის გადაცემა. 

მეფუტკრეობა 35 წლის წინ დავიწყე და თანდათან გამოცდილებაც დავაგროვე. დღევანდელ სამყაროში, სადაც გარემო დაბინძურებულია და სოფლის პროდუქცია აღარ არის ისეთი „სუფთა“, როგორც ჩემს ბავშვობაში იყო, დავიწყე ბიოწარმოების შენარჩუნებისა და ბიოსერტიფიკაციის მიღების მნიშვნელობის გაცნობიერება, რათა ჩემს მომხმარებლებს თავი დარწმუნებულად ეგრძნოთ მოხმარებული პროდუქტების მიმართ. მიუხედავად იმისა, რომ მეფუტკრეობასა და თაფლის წარმოებაში ყოველთვის ვიყენებდი ბიო-მიდგომებს, საკუთარი თავის დასამშვიდებლად, ბიოსერტიფიკაციის ხანგრძლივი გზა გავიარე, რომელიც „ალპურმა ნექტარმა“ წარმატებით მოიპოვა. გარდა ამისა, წარმოების პროცესში HACCP სტანდარტები დავნერგე და ახლა სიამაყით შემიძლია ვთქვა, რომ ჩვენი თაფლი აკმაყოფილებს ბიო და უსაფრთხოდ წარმოებული თაფლის ყველა მოთხოვნას.